പരിശുദ്ധ പൗലോസ് ദ്വിതീയൻ ബാവ സാന്ത്വന സ്പർശം അവാർഡ് ശ്രീ ഗോപിനാഥ് മുതുകാടിന്

പരിശുദ്ധ പൗലോസ് ദ്വിതീയൻ ബാവ സാന്ത്വന സ്പർശം അവാർഡ് ശ്രീ ഗോപിനാഥ് മുതുകാടിന്
പരിശുദ്ധ പൗലോസ് ദ്വിതീയൻ ബാവയുടെ ഓർമ്മയ്ക്കായി കുന്നംകുളം ഓർത്തഡോക്സ് പ്രവാസി അസോസിയേഷൻ നൽകുന്ന നാലാമത്  സാന്ത്വന സ്പർശം അവാർഡിന്  പ്രസിദ്ധ മജീഷ്യനും സാമൂഹ്യ-സാംസ്കാരിക പ്രവർത്തകനുമായ ശ്രീ ഗോപിനാഥ് മുതുകാട് അർഹനായി. ഭിന്നശേഷിക്കാരായ കട്ടികളെ പരിചരിച്ച്‌ അവരുടെ സർഗ്ഗാത്മകമായ കഴിവുകളെ കണ്ടെത്തി സമൂഹത്തിൻ്റെ മുഖ്യധാരയിലേക്ക് നയിക്കുകയും മോട്ടിവേറ്റർ എന്ന നിലയിൽ അനേകർക്ക്  ലക്ഷ്യബോധം പകർന്നു നൽകുകയും ചെയ്യുന്ന  ഗോപിനാഥ് മുതുക്കാടിൻ്റെ  സേവനം സമാനതകളില്ലാത്തതാ ണന്ന് അസോസിയേഷൻ വിലയിരുത്തി. ജീവകാരുണ്യ രംഗത്തും സാമൂഹ്യ ,സാംസ്കാരിക മേഖലകളിലും ഗോപിനാഥ് മുതുകാടിൻ്റെ ഇടപെടലുകളും പ്രവർത്തനങ്ങളും അനുകരണീയവും അഭിനന്ദനാർഹവുമാണന്ന് അഭിവന്ദ്യ ഡോ. ഗീവർഗീസ് മാർ യൂലിയോസ്‌ മെത്രാപ്പോലീത്ത അധ്യക്ഷനായ ജൂറി അഭിപ്രായപ്പെട്ടു. 50,000/- രൂപയും ശില്പവും പ്രശസ്തിപത്രവും അടങ്ങുന്ന അവാർഡ് ആഗസ്റ്റ് 15 വെള്ളിയാഴ്ച ഉച്ചതിരിഞ്ഞ് 2 30ന് കുന്നംകുളം ബഥനി ഇംഗ്ലീഷ് മീഡിയം സ്കൂളിൽ വെച്ച് നടക്കുന്ന പരിശുദ്ധ പൗലോസ് ദ്വീതീയൻ ബാവ അനുസ്മരണ സമ്മേളനത്തിൽ  വച്ച് ശ്രീ ഗോപിനാഥ് മുതുകാടിന്  സമ്മാനിക്കും.